औषधाने मी बरा होत नाही
शब्द वैद्याचा खरा होत नाही
नित्य जळते काळीज विस्तवाचे,
-की कुणीही सोयरा होत नाही?
किती रिचवू मी विष जीवनाचे?
अता धावा! शंकरा!..होत नाही!
असे नाही की, कैकयीच दु:खी,
सुखी ती ही मंथरा होत नाही
स्वप्न त्यांना स्पर्धेत बक्षिसाचे,
पूर्ण ज्यांचा अंतरा होत नाही
कधी स्मरले तुज मागल्या घडीला?
स्मरण त्याचे, ईश्वरा, होत नाही
एकदा का हे मर्म-बंध तुटले;
पुन्हा त्याचा मोगरा होत नाही
-मानस६
