कुकरमध्ये तेल घालून ज्योत मोठी करावी. धुरावल्यावर ज्योत बारीक करून (स्टेनलेस स्टीलचा कुकर असल्यास शेगडीवरून बाजूला काढावा आणि पाच सेकंद थांबावे, नाहीतर फोडणी जळते) मोहरी, हळद, (स्टेनलेस स्टीलचा कुकर असल्यास आता परत बारीक ज्योतीवर ठेवावा) मिरचीचे तुकडे आणि ठेचलेली लसूण टाकावी. ज्योत मोठी करून चटाचट हलवावे. लसूण जराशी जळकटल्याचा वास आल्याबरोबर ज्योत बारीक करावी आणि भिजलेले शेंगदाणे टाकावेत. ज्योत मोठी करून हलवत राहावे.
दाणे खमंग व्हायला लागले की ज्योत बारीक करावी. त्यात भिजवून कोरडे केलेले डाळ-तांदूळ टाकावेत. परत ज्योत मोठी करून हलवत राहावे. तेल-मसाला सगळ्या डाळ-तांदळाला लागेलसे पटापट हलवावे.
पाणी एव्हाना उकळायला आले असेल. ते घालून पटकन झाकण लावावे आणि दोन शिट्ट्या होऊ द्याव्यात.
वाढताना गरजेप्रमाणे मीठ भुरभुरावे.
यासोबत म्हणून बटाट्याची कोशिंबीर आणि पोह्याचा भाजलेला पापड घ्यावा.
बटाट्याच्या कोशिंबिरीसाठी चार (मध्यम) बटाटे कुकरमध्ये एक शिटी काढून घ्यावेत. सोलून एका (मध्यम) बटाट्याचे चार काप करावेत आणि निर्लेपच्या तव्यावर ठिपकाभर तेल घालून बाहेरचे आवरण कुरकुरीत होईस्तोवर भाजून घ्यावेत. ते कुस्करावेत. त्यात दाण्याचे कूट घालावे. जिऱ्याची तुपात फोडणी करून या कुस्करणावर घालावी. त्यावर दोन वाट्या सायीचे घट्ट दही घालावे आणि चिमटीभर मीठ घालून सारखे करावे.
स्वप्रयोग
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.