(प्रेरणा: गर्दीतले... )
रोज आहे भामट्याचे चालणे - गर्दीतले
सत्तेपुढे लाचारीने - वाकणे वर्दीतले
गुंडपुंडा खेटताना, पोसताना सोसतो -
अंतरीच्या वेदनांचे लोढणे वर्दीतले
पैका गाठी बांधणे आहे तसे सोपे इथे
'बार'पाशी फक्त थोडे थांबणे वर्दीतले
आजही धुंदावल्या डोळ्यात होते साजरे -
मानव्याला हैवानाचे ग्रासणे वर्दीतले
जाहले ते पुष्ट सारे, थांबले ना प्रत्यही -
कोडग्यांचे चिरीमिरी मागणे वर्दीतले
