मधुघट, साकी, सुरा
आणले,
पेले शोभीवंत आणले,
मद्यगृहाला रूप आणले,

येऊन पहा मम
मधुशाला,
साकीबालांची अन्‌ माला,
मधुमय सुरई, मधुमय प्याला,

सांडती मधु त्या
पिउनी, पहा,
त्यांच्या पुलकित नजरेस पहा,
स्कंधांवर चंचल बटा पहा,

मधुशोभित त्यांचे अधर पहा,
मृदु कर, कंबर कमनीय
पहा,
पद-नूपुर, कटि मेखला पहा,

मधुघट घेउनि
चालल्या पहा,
फडफडती कैसे पदर पहा,
घुंघट झगमग हालती, पहा,

त्या प्याले
चुंबुनिया देती,
मधुचे प्याले वाटत फिरती,
गजगती कधी,कधी हरिणगती,

नामांकित येथे
पीणारे,
कुणी उभ्या-उभ्याही घेणारे,
बसणारे, कुणी पसरणारे,

लालसा कुणी घेउन
येती,
उपकार कुणी घेउन जाती,
अन्‌ कुणी आढ्यतेने पीती,

आता चिंतांचा
भार नसे,
ह्या क्रूर जगाचा मार नसे,
काळाचाही अधिकार नसे,

आता अज्ञान नि
ज्ञान कुठे,
पद-पदवीचेही भान कुठे,
वंश-जातिचा अभिमान कुठे,

व्हायचे मस्त
त्यांनी यावे,
मित्रांना सोबत आणावे,
जेव्हढे हवे तितके प्यावे,

चालूया साथीने सारे,
मातीचे तर पुतळे सारे,
उच्च-नीच
वा सत्‌-खल सारे,

संकोच सोडुनी या आता,
जे मनात ते सांगा आता,
का
चिंता पैशाची करता,

मी मद्य आग्रहाने देइन,
आशीर्वच सर्वांचे घेइन,
तोषवुन
तुम्हाला खुश होइन,

कटु जीवनात मधुपान करा,
रुदनास जगाच्या गान करा,
मादकतेचा
सन्मान करा ─