ऐन उमेदीत तीच्या
स्वप्नांना लागली ठीगळे
नातेवाईक फिस्कारलेले
माहेरचे दोर केंव्हाच तूटलेले
आणि
सासर पार कोलमडलेले
चमचाभर कमाईत
कढईभर लेंढार
पीठा कण्यांची पक्वान्ने
ऐतोबांच्या पोटात सदैव खिंडार
वर टोमण्यांचा भडीमार
कोंड्या-खरड्यावर माजलेला तबेला
नकळतच मोठा झाला
ती गेली तेंव्हा
पालवी तीची खुडणारा
स्वार्थी कबिला
नक्रश्रू ढाळत
तीच्या तसबिरीसमोर पालथा पडलेला..
