ह्यासोबत
किमर्थ न कळे कोपुनी म्हणती देतो तुजसि यमा /
निज अंगी तों स्वल्प दोषही आठवतो नच मातें//१३//
पित्राज्ञें यमसदना जरी निघोनियां म्यां जावे /
यमराजें तरी मत्साहाय्यें कार्य काय योजावे '//१४//
कठीण शब्दते बोलुनी तो तों झाला निमग्न शोकीं //१५//
मनस्ताप तो निज पितयाचा अनुमानियला तेणें/
कल्पित विरहव्यथा तयाच्या करी वदनावारी पेणें //१६//
म्हणे पित्याला 'भितां कशाला? किमर्थ पडलां शोकीं? /
तिकडे जाया सिद्ध असे मी; तद्वच सत्य असो की //१७//
सत्य वदावे; मिथ्या वचने जिव्हा न विटाळावी /
वचनोल्लंघनवेला येतां झटोनियां टाळावी //१८//
संत जहाले असती जे वा चरिते निट पाहा ती /
त्यांच्यापासुनी बोधदीप तो घ्यावा मनुजें हाती //१९//
स्तविली नाही असत्यवाणी कोणी संतजनांहीं /
अजरामरतालाभ कुणी वा तयें जोडिला नाहीं //२०//
देहाची या नसे शाश्वती तुम्हांस कथितों भावे /
तनू रक्षाया असत्यवचनीं किमर्थ मग लोभावें //२१//
धान्य पिकावे गळुनी पडावें पुनरपी तेच रुजावे /
मर्त्यें त्यापरी व्यवहारावें मरोनी मग उपजावें //२२//
क्रम सृष्टीचा असा चालला अखंड जगता माजी/
आज नाउद्यां तनू जायाची कशास ममता माजी'? //२३//
यमालयातें गेला यापरी सांत्वुनी निज पितयातें /
जाय तेथ परी यमराजाची नोहे भेट तयातें //२४//
पुढिल भाग पाठवला आहे १२ नंतरचा