ताऱ्यांनाही दगड होताना पाहिले

अंधाराची लाच घेताना पाहिले

नाते नावालाच उरले होते जरी

नात्याचा आभास जगताना पाहिले

काही किल्ले पादशाहीने जिंकले

बाकीचे गद्दार बनताना पाहिले

तानाजी, बाजी प्रभू , दादोजी तुम्हा

औरंग्याची साथ देताना पाहिले

सूर्याच्या पिल्लांत बेबनाव वाढला

रायगडाला आज खचताना पहिले

इतिहासाला विसरले पुन्हा मावळे

शिवबाच्या आत्म्यास रडताना पाहिले