टोमॅटो अर्धे चिरुन कूकरमधे शिजवणे. गार झाल्यावर शिजलेल्या टोमॅटोची साले काढून टाकणे. नंतर शिजलेले टोमॅटो २-३ चमचे ओला नारळ व १ मिरची मिक्सरमधून एकजीव करून घेणे. नंतर हे एकजीव झालेले मिश्रण एका पातेलीत काढून त्यात  तिखट, धनेजीरे पूड, मीठ व साखर घालणे. बारीक चिरलेली कोथिंबीर घालून थोडेसे पाणी घालणे. नंतर कढल्यात तेल घालून त्यात मोहरी, जिरे व हिंग टाकून फोडणी करून टोमॅटोच्या मिश्रणामधे घालणे व एक उकळी येईपर्यंत गरम करणे.

लाल तिखट, धने जीरे पूड व साखर चवीप्रमाणे कमी/जास्त घालावी. जास्त नको, स्वाद येण्यापुरतीच. जास्त तिखट चव नको. गरम गरम पिणे. ओला नारळ पण दाटपणा येण्यापुरताच, जास्त नको.

रोहिणी