विडंबने-३ प्रश्नोत्तरे

विडंबने-३ ह्या कविता सदरात प्रकाशित केलेल्या नोंदीवर आधारित प्रश्नोत्तरे आणि चर्चा इथे व्हावी अशी अपेक्षा आहे.

दखलप्राप्त उत्तराधिकारी (म्हणजे वारस नव्हे हो! उत्तर देण्याचा अधिकार असलेले मनोगती.)-
शशांक, तुषार जोशी, मीरा फाटक, विश्वमोहिनी आणि जीवनजिज्ञासा.

कालावधीः लागेल तेवढा

प्रश्न-१ विडंबन म्हणजे काय?
        अ. मूळ कवितेच्या आकृतीबंधाची, लकबीची, चर्चाविषयाची नक्कल
        ब. मूळ कवितेच्या गुण वा अवगुणांचा वापर करून
            आसमंतातील विसंगतींची उडविलेली खिल्ली
        क. मूळ कवितेशी साधर्म्य सुचविणारी,
             आसमंतावर भाष्य करणारी नवीन विनोदी कविता
        ड.  मूळ कवितेशी आकृतीबंधाव्यतिरिक्त कसलाच संबंध नसलेली
             नवीन विनोदी कविता
        इ.  उत्तर वरीलपैकी एकही नाही.
             (मग काय आहे ते वेगळ्याने सविस्तर लिहावे.)

प्रश्न-२ ह्या विडंबनात आचार्य अत्र्यांनी कशाचे विडंबन केलेले आहे?
        अ. मूळ कवितेतील वर्णनशैलीचे
        ब. आधुनिक काळातील कवींच्या मासलेवाईक प्रवृत्तीचे
        क. कवितेच्या आकृतीबंधाचे
        ड. वरील पैकी कुठलेही नाही.
            (मग कशाचे ते वेगळ्याने सविस्तर लिहावे.)

प्रश्न-३ आणखी कुठे कुठे 'विरामचिन्हे' असायलाच हवीत असे तुम्हाला वाटते?
        अशी प्रस्तावित 'विरामचिन्हे' घालून विडंबन सादर करा! जमेल का?