आमची प्रेरणा चित्तयांची अप्रतिम गझल दुःखाने कुठल्या समुद्र इतका हेलावतो सारखा ?

मोठ्याने मज का असा बघ जरा बोलावतो सासरा ?
दारू का इतकी पितो, बरळतो, भेंडावतो सासरा?

दाराचा खटका कसा अडकला आहे बघा ना जरा
वाघाच्यासम आज आत फिरतो, ठोठावतो सासरा

नाही ह्या दुनियेत मित्र अथवा वैरी कुणाचाच हा 
कोणालाच न सोडतो पण बघा, हा चावतो सासरा

दारूने सगळी भिजून असती ओलावली कापडे !
त्यादर्पासम हा घरात अमुच्या घोंघावतो सासरा

आईना, निरखून काय बघतो  आहेस मेल्या असा?
माझे रूप बघून आणि मजला रागावतो सासरा !

वाटावा चकणा असे बघत हा होता मला आज का?
चष्मा जाड असून ही पण कसा,ना  लावतो सासरा

दे सोडून विडंबने सुनवतो आहे तुला "केशवा"
माझ्याहून कुणी न वाइट, असे दर्डावतो सासरा