चालता अशी तूं लयीत एका
रूपगर्विते ठुमकत ठुमकत-
लागेन कच्छपी तुझ्या परंतु
केविलवाणे ठसकत ठसकत ।
डोळ्यातिल मासोळ्या काळ्या
फिरवत ठेवी गरगर गरगर
लागतील केव्हां गळास पाहीन
भुरक्या डोळ्यांची करुनी किलकिल ।
केतकी सुगंधित नागिण काळी
अशी जा तूं झुलवत झुलवत
वाजवीन पुंगी बोळक्यातुनी
हात टक्कली फिरवत फिरवत ।
कुंभांचा टेंभा छातीवरल्या
मदभरे चाल तूं मिरवत मिरवत
अनुभवीन गरमी कानशिलांची
वाकून चालता रखडत रखडत ।
आवृत्त वृत्ताकार नितंबा
दे आंदोलन घुसळत घुसळत
प्राण पणाला लावुन याचीन
या अस्थिपंजरा नवसंजीवन, नवसंजीवन ॥
