१. प्रथम मटकी, सफेद व हिरवे वाटाणे चार ते पाच तास गरम पाण्यात भिजत ठेवावेत.

२. त्यानंतर पाणी फेकून मटकी व वाटाणे रुमालात बांधून ठेवावेत. एका दिवसात मोड येतात.

३. एका पातेल्यात तेल गरम करावं. त्यात कांदा बारीक चिरून परतावा.

४. कांदा लालसर झाला की त्यात राई, जिरं, हळद पावडर, धणा पावडर, आलं व लसूण पेस्ट घालावी.

५. मसाला चांगला भाजल्यावर त्यात गरम मसाला पावडर, बारीक चिरलेले टोमॅटो व भिजवलेली मटकी व वाटाणे घालावेत.

६. दोन कप पाणी घालून मटकी व वाटाणे शिजेपर्यंत उकळावे. उसळ शिजल्यावर त्यात लिंबू पिळावं.

अशी ही गरमागरम व झणझणीत उसळ फारच रुचकर लागते. उसळ जर जास्तच तिखट वाटल्यास त्यात उकडलेल्या बटाट्याचे तुकडे व फरसाण घालून घालतात. त्यालाच 'मिसळ' म्हणतात