चारही स्लाईसना दोन्ही बाजूंनी बटर लावून घ्या.

कांदा उभा आणि पातळ चिरून कुस्करून ठेवा.

मध्यम आंचेवर नॉन-स्टीक पॅन ठेवून त्यावर दोन स्लाईस ठेवा. स्लाईस दोन्ही बाजूंनी सोनेरी रंगावर चरचरीत भाजून घ्या. भाजून झाल्यावर खाली काढून ठेवा.

असेच, चारही स्लाईस भाजून झाल्यावर, दोन स्लाईस वर भरपूर मायोनेझ लावा. त्यावर कुस्करलेला कच्चा कांदा पसरुन, चिमुटभर काळीमिरी पावडर भुरभुरून टाका. चवीनुसार मीठ टाका. या दोन स्लाईस वर आता उरलेले दोन स्लाईस ठेवून सँडवीचच्या कडा धारदार सुरीने कापून घ्या. सँडविचचे दोन त्रिकोणात भाग करून गरमगरम असतानाच खा.  

शुभेच्छा...!