बराक ओबामा काल मला स्वत: म्हणाले, यंदाचा ख्रिसमस तुम्ही व्हाईट हाऊसमध्ये
घालवायचा बरं का ! नाहीतर तुमच्याशी कट्टी.
.
टॉम क्रुझ माझ्या बुटांना पॉलिश करताना म्हणाला, सादा पॉलिश की पेशल?
.
जयललिता माझी साडी पाहून म्हणाल्या, अय्या माझ्याकडे का नाही अशी साडी?
.
हल्ली योगविद्येत मी इतकी तरबेज झालेली आहे की पाण्यावरून पण सहज चालू शकते.
.
माझी माऊ हिमेश रेशमियाची गाणी तल्लीन होऊन ऐकते.
.
.
आपण पण कल्पनेच्या विमानात बसून खोटेपणाच्या विश्वात भरारी घेऊ शकता आणि
अश्या ५ थापा इथे लिहू शकता. मात्र १) ह्या थापा निर्मळ, हलक्या फुलक्या
असाव्यात २) राजकीय भाष्ये टाळावीत उदा. राज व भैय्या इ. पण राजकीय मंडळी
चालतील. वानगीदाखल सांगायचे म्हणजे परवाच मी, राज आणि उद्धव चहाच्या
टपरीवर कटिंग चहा तिथली चविष्ट खारी बिस्किटे बुडवून प्यायलो. ३) ही थाप
जेमतेम १-१. ५ ओळीची असावी. ४) वैयक्तिक दोषारोप करणे टाळावे.
५) लोकांना परिचित व्यक्तींचाच उल्लेख करावा. अपरिचित नातेवाईक वै. चा
उल्लेख टाळावा. ६) ह्या थापा मन प्रफुल्लित करणाऱ्या असाव्यात. वाचून छान
वाटले पाहिजे.
