सावकाश चालतेस तू वळून पाहतेस रीत पाळतेस की उसासतेस तू?
की तिथेच थांबलोय की न थांबलोय मी वळून पाहुनी जरा तपासतेस तू?
तू सुहासशी फुलावयास तू हसावयास मी नसानसांत शायरीस सोसले
मी उदास शायरी भकास आसपास नी झकास कारणाशिवाय हासतेस तू
पेरले तुझ्यात रंग मी उमंग ते तरंग संगतीत त्याच अंग दंगले तुझे
भंगलो अपंग होत जंग हारलो भणंग खंगलो तुझ्यामुळे विकासतेस तू
मी निहारता निखार यायचा करार मीच सार जीवनातले कसे नकारशी?
आरपार वार धारदार मारलास की हुषारशी छुपी कट्यार भासतेस तू
कालकालची कमाल चालचालता गुलाल लागल्यापरीच गाल लाल व्हायचे
आजकाल हालहाल बेमिसाल चाललेत आमचे खुशाल रास रासतेस तू
