१ वाटी साबुदाणा ४ तास भिजत घालावा. भिजवताना पाणी निथळून घ्यावे. नंतर तो साबुदाणा हाताने मोकळा करुन त्यात३-४ चमचे दाण्याचे कूट, मिरच्या वाटून, व कच्चा बटाटा साल न काढता किसुन घालणे. नंतर चविप्रमाणे मीठ, साखर  व लिंबू पिळणे. कोथिंबीर चिरुन घालणे. हे सर्व मिश्रण हाताने कालवणे.

कच्चा बटाटा घातल्याने वडे कुरकुरीत होतात.

ह्या मिश्रणातील थोडा गोळा घेउन तो दोन हातांच्या तळव्यांमधे घेउन पसरट दाबणे व तेलामधे तांबूस रंग येईपर्यंत तळणे.

नारळाच्या चटणीबरोबर गरम गरम वडे खाणे. नंतर जायफळ घातलेली गरम कॉफी पिणे.

रोहिणी