बटाटे उकडून, सोलून, कुस्करून घ्यावेत. कांदा बारीक चिरून घ्यावा. जिरे, मिरच्या, लसूण बारीक वाटून घ्यावे व कुस्करलेल्या बटाट्यात घालावे. तसेच लिंबू पिळावे. १ डाव तेलात फोडणी करून त्यात कढीलिंब, कांदा घालावा व त्यातच बटाट्याचे मिश्रण, कोथिंबीर, थोडे मीठ घालून चांगले हलवून घ्यावे. मिश्रणाचे आवडीप्रमाणे लहान-मोठे वडे करून घ्यावेत. वड्याच्या आवरणासाठी डाळीच्या पिठात चवीपुरते तिखट, मीठ घालून पीठ भिजवावे व या भिजलेल्या पिठात वडे बुडवून घेऊन तेलात तळावेत.
तेल पुरेसे तापलेले असेल ह्याची खात्री करावी.
ईसकाळ मधले रूचिपालट सदर
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.