आमची प्रेरणा मिलिंद फणसे यांची सुरेख गझल अर्घ्यदान

इतका कुठे इथे मी हो भाग्यवान आहे
आहे घरात सासू, घर अंदमान आहे

मिळतात रोज आता पेले मला जलाचे
सध्या घरी स्वतःच्या मी बंदिवान आहे

नशिबास कोसुनी मी जी घेतली सुरई
पेल्या पुढे परंतु ती ही लहान आहे

आश्चर्य आज ह्याचे ती ही पशू निघाली
मज वाटले मिळाले मोकाट रान आहे

वर्दी तिने दिली ना आहेत आत बाबा
नशिबात आज अमुच्या हे कंठस्नान आहे

मज मारलेय त्यांनी सांगू किती ठिकाणी
सगळी कडून सुजली अमची कमान आहे

सरकारमान्य पीता स्वातंत्र्य बडबडीचे
चालू म्हणून आमचे हे मद्यपान आहे

गातात भाट-चारण व्वा व्वा सुभान् अल्ला
कंपूत जोकरांच्या राणी महान आहे !

प्रत्येक चीज आहे खाऊन पाहिले मी
अपवाद फक्त याला ते 'पार्मिसान' आहे

अपमान रोज केला शब्दांत सायबाने
त्याच्या मुळेच माझी हपिसात शान आहे

बोलावले न त्याने,  गेलो तरी घरी मी
निर्लज्य आसण्याचा मज स्वाभिमान आहे

केलीस येव्हढी तू घाई उगाच मजला
घालायची विसरलो माझी तुमान आहे

उपयोग काय झाला सांगून "केशवा"ला?
त्याचे विडंबनाचे चालू दुकान आहे