वाटतो परमार्थ सध्या स्वार्थही
स्वार्थ वाटो शेवटी परमार्थही
एवढा खोटा कसा वागेल 'तो'....
ही निरर्थकता असावी सार्थही
तू निमित्ताएवढी गझलेमधे
अन निमित्ताएवढा शब्दार्थही
शिकवणीसाठी घडवले युद्ध ते
दिव्यदृष्टीच्याचसाठी पार्थही
आठ दशके स्वार्थ शिकणे चालुदे
एक घटका शिकवते नि:स्वार्थही
आपले निवृत्त झाले प्रेम पण
आठवांवर चालतो चरितार्थही
संपवावे एकदा व्यक्तीकरण
सापडावा एकदा मथितार्थही
