हे घ्या अजून काही विदर्भीय शब्द आणि वाक्प्रचार:
शब्द :
- अंगारपेटी = काडेपेटी
- शष्प = पालेभाज्यांचा पाने काढल्या नंतर उरणारा टाकून देण्याचा भाग
- चिमणी चे तेल = रॉकेल
- तोंडाचे चवणे = जीभेचे चोचले
- फोतरं = टरफले
- माकोडा = मुंगळा/डोंगळा
- आसणीच्या घासणीवर = स्वत: च्या मर्जीने कुठेही कसेही
- विस्कट-वास्कट/ विस्कळ-वास्कळ = अस्ताव्यस्त
- हागोडं काम = अर्धवट काम
- आळशी ढोणी = खूप आळशी
- फकडी = फुलपाखरू
- रपसप = मजबूत/ दणकट
- मरतांगडं = मरतुकडं
- मांजोळी = रांजणवाडी
- ओंगळ = ओघळ
वाक्प्रचार:
- पाटपाणी करणे = जेवायला बसण्याची पूर्वतयारी करणे
- लेडंबेडं होणे = लडबडणे
- लोळती वळणे = जीभ टाळ्याला चिकटणे (बोलती बंद होणे)
- ओलंगट्टं होणे/ ग़टग़ट ओले होणे = खूप ओले होणे
- कानांत भेंडं जाणे = काहीच ऐकू न येणे
- थुक्याला थुका लावणे = काम नीट न करणे
- फणकी सारखी नाचणे = आकांडतांडव करणे
- डोळा पाणी हाणणे = डोळ्यातून पाणी येणे
- लसूण निसणे = लसूण सोलणे
- लगर लगर करणे = घाई गडबड करणे
- डुल राहणे = खाऊन पिऊन खुशाल राहणे
- पोटात खलंलंलं होणे = खूप भूक लागणे