काजू, बदाम आणि पिस्ते वजनात समप्रमाणात घेवून त्याची पावडर करावी. (दाण्याचा कूट करतो तशी).
साले काढून वेलची कुटून घ्यावी. (किंवा मिक्सर मध्ये पावडर करून घ्यावी).
चारोळी निवडून घ्यावी. (हल्ली कुजक्या चारोळ्या जास्त येतात)
तवा गरम करून (बोट टेकता येईल इतपत) गॅस बंद करावा. त्यावर केशराचे धागे पसरवून टाकावेत. चमच्याने हलवून, गरम झाले की वाटीत काढून ठेवावेत. थंड झाले की कुरकुरीत होतात. ते हाताने चुरडून त्याची पावडर करावी. वाटीभर गरम दूधात ही पावडर टाकून, झाकून बाजूला ठेवून द्यावी
दूध तापवावे. चांगले तापले की वेलची पूड टाकावी. पुढे दूध उकळले की त्यात काजू, बदाम, पिस्त्याची पावडर टाकावी. ढवळत राहावे. गुठळ्या होऊ देऊ नयेत. निवडलेल्या चारोळ्या टाकाव्यात. चारोळ्या शिजल्या की साखर टाकून ढवळावे. साखर विरघळली की केशराचे दूध टाकावे.

एक उकळी आली की गॅस बंद करावा.

शुभेच्छा....!