...तुटे वजनाचा काटा !
आठवण तुझी येता,
फुले अंगावर काटा,
असं मी नाही म्हणत,
म्हणे वजनाचा काटा !
तुझ्या देहाच्या ह्या सीमा,
आठी दिशांना फैलती,
म्हणुनीच सारे तुला,
'अष्टफैलु' गं म्हणती !
पहा अजस्त्र केव्हढा,
तुझा देह बलदंड,
आता बाहु म्हणु ह्यांना,
का भीमाचे गं हे दंड !
जेव्हा पाऊल टाकीशी,
दणदणते धरणी,
देवा काय वर्णावी ही,
तुझी 'अगाध' करणी !
काल हॉटेलात गेली,
तेव्हा मालक म्हणाला,
'आधी डिपॉझीट ठेवा,
मग ऑर्डरचं बोला' !
जेव्हा जाते शिंप्याकडे,
द्याया कपड्याचे माप,
शिंपी पुटपुटे मनी,
अ ब ब ब, बाप बाप !
केली घोडेस्वारी हिने,
कमी करण्या वजन,
हिच्याऐवजी हो झाले,
कमी घोड्याचे वजन !
ऑटोरिक्शावाले हिला,
बघुनीच सुसांटती,
संपेस्तोवर पेट्रोल,
गाडी बेफाम हाणिती !
म्हणे जाऊनी वैद्याला,
झाली भुक कमी फार,
न्याहारीला फक्त पिते,
दुध लिटर मी चार !
येतो थकवा हो फार,
'भारी' पडतात कष्ट,
आता सुचवा ना गडे,
मला थोडी बेड-रेस्ट !
'नको नको' म्हणे वैद्य,
उगा बेडला का कष्ट?
द्यावी लागेल बेडला
पर्मनंट 'बेड-रेस्ट' !
--मानस६