वांग्याचे देठ थोडे कापून टाकवे , पूर्ण काढून टाकू नये. त्यानंतर मसाला भरण्याच्या द्रुष्टीने, वांग्याला + या चिन्हासरखे कापावे.. देठापर्यंत कापू नये. वांग्याचा तुकडा पडता कामा नये. अशी सगळी वांगी चिरून पाण्यामध्ये ठेवावीत.

मसाला : कांदे बारिक चिरून घ्यावेत. त्यात दाण्याचे कूट, ओल्या नारळाचा चव, गोडा मसाला, कांदालसूण मसाला, गूळ, लिंबाचा रस, धने-जिरे पावडर घालून घ्यावी. आता त्यात आलं आणि लसूण पाकळ्या छोट्या खिसणीने खिसून घालाव्यात. कोथिंबीर घालावी. मीठ(चवीप्रमाणे) आणि थोडे तेल घालून हा मसाला चांगला मळून घ्यावा.

हा मसाला आता वांग्यांमध्ये भरून घ्यावा.

छोट्या कुकरमध्ये तेल घालून नेहमी सारखी फोडणी करून त्यात एक एक वांगं टाकावं. सगळी वांगी टाकली की, एकदा कुकर हाताने धरून वांगी वर खाली हसडून(हा आईचा शब्द आहे) घ्यावी. उरलेला सगळा मसाला त्यात घालावा आणि सधारण ३/४ कप पाणी घालून कुकरचे झाकण बंद करून टाकवे.

छान दोन शिट्ट्या झाल्या की गॅस बंद करावा.

गूळाचे प्रमाण भाजी किती गोड हवी यावर ठरवावे.