नमस्कार
श्रीभगवद्गीतेचा अभ्यास करत असताना, अध्याय २, श्लोक २२ व्या श्लोकात माझ्या दृष्टीने एक शंका आली. सर्व बंधूभगिनीना हा श्लोक माहिती आहेच, तरी सुद्धा येथे देत आहे.
" वासांसि जीर्णानि यथा विहाय नवानि गृण्हाति नर: अपराणि / तथा शरीराणि विहाय जीर्णान्यन्यानि संयाति नवानि देही / श्लोकाचा अर्थ आहे " जसें पुरुष जीर्ण वस्त्र टाकून दूसरी नवीं वस्त्रें ग्रहण करतो, तसेंच जीवात्मा जीर्ण शरीरें सोडून दुसरी नवीं शरीरें धारण करितो."
आतां शंका अशी कीं, जेव्हां एकादा २२ / २३ वर्षांचा तरणाबांड तरूण, अथवा एकादे नवजात बालक जन्मल्याबरोबर स्वर्गवासी होते त्यावेळी हा आत्मा अशी कोरी करकरीत शरीरे कां टाकून देतो.
सूज्ञ, विचारी, जाणकार बंधुभगीनी यावर प्रकाश टाकतील काय?
ग़ुरुजी
