तुजसारखे कुणी रे^१ - मम जीवनात यावे
जमलेच मग म्हणावे - जमलेच मग म्हणावे! ।ध्रु।

कलिका वसंत वांछी - वांछी वसंत उपवन
हृदया हवे हृदय अन् - कायेस पाहिजे तन
जो जो जगी बघावा - त्या त्या हवे तनमिलन
वाटे असेच तव मन - माझ्यावरी जडावे ।१।
जमलेच मग म्हणावे - जमलेच मग म्हणावे!

आहे मनुष्य मी तर - मी देवदूत नाही
विचलित न व्हायची ना? - भीती मनात राही
उलघाल प्रीतिविण ही - मन एकले न साही
तुजवत कुठे दुजे? मन - केवळ तुझे मिळावे ।२।
जमलेच मग म्हणावे - जमलेच मग म्हणावे!

टीपा :

१. पर्याय : तुजसारखेच कोणी - मम जीवनात यावे

हे गाणे मला जसे ऐकू आले आणि उमजले आणि त्याचे शब्द जसे जालावर मिळाले (आणि ते उमजले  ) त्याप्रमाणे मी भाषांतराचा प्रयत्न केलेला आहे.

चाल : भाषांतराची चाल मूळ गाण्याप्रमाणे नाही.   (भाषांतराची चाल - गागालगालगागा - गागालगालगागा (आनंदकंद? ))

विनंती :

१. हे कोणत्या हिंदी गाण्याचे भाषांतर आहे ते ओळखा. कोडे अवघड करण्यासाठी 'छन्न ध्रुवपद' लिहिलेले आहे शेवटी उत्तर सांगेन तेव्हा प्रशासक, कृपया ध्रुवपद आणि शीर्षक बदलावे.
२. फक्त गाणे ओळखू नका.  (किंवा नुसते अभिनंदन करूनका  काय आवडले नसेल, चुका असतील तर त्याही सांगा. )... (मात्र गाणे ओळखणे अनिवार्य आहे  )

३. ध्रुवपदाचे भाषांतर सुचत असेल तर तेही सुचवा. यमक ..आवे असे जमवा बरका!