मला येथे लिहिता येईल का?

हो. का नाही येणार? किंबहुना तुम्हाला येथे मराठी लिहिता यावे म्हणून तर हा सारा प्रपंच मांडला आहे. केवळ इथे लिहिलेले वाचून सोडून देण्यापेक्षा इतरांनी लिहिलेल्य लेखांवर प्रतिसाद देण्याने, प्रस्तुत चर्चांमध्ये भाग घेऊन आपले म्हणणे आवर्जून मांडण्याने आणि आपले साहित्य, अनुभव वगैरे मजकूर इतरांना वाचायला, त्यावर अभिप्राय द्यायला उपलब्ध करून देण्याने तुम्हाला नक्कीच जास्त आनंद होईल ह्याची आम्हाला खात्री आहे.

कुठे शोधिशी...

इतर संकेतस्थळे आणि हे ह्यात एक महत्त्वाचा फरक आहे तो म्हणजे, इथे केवळ विषय उपविषय असे वर्गीकरण करून आम्ही थांबलेलो नाही. इथली वर्गीकरणपद्धती अधिक लवचिक आहे. इथे लेखांच्या वर्गीकरणासाठी वेगवेगळी वर्गीकरण सूत्रे एकाच वेळी वापरलेली आहेत. सोपे उदाहरणच घ्यायचे तर 'कलामहाविद्यालयात संगणकाचा प्रभाव' ह्यासंदर्भात एखादा लेख असेल तर तो वाचकास शिक्षण, कला, संगणक तंत्रविज्ञान असे निरनिराळे 'विषय' आणि अनुभव, माहिती, शंका, मदत, सल्ला असे निरनिराळे 'लेखनप्रकार' ह्या दोन्हीतील अनेक उपसदरात एकाच वेळी सापडायला हवा! तशी व्यवस्था एकापेक्षा अधिक वर्गीकरण सूत्रे वापरून करता येते.