सध्या मी मधूनमधून भाषांतराचे काम करते. माझ्याकडे येणाऱ्या कामात मुख्यत: आरोग्यविषयक, शिक्षणविषयक सरकारी योजनांसंबंधीची इतिवृत्ते असतात. ही भाषांतरे करताना मला मनोगताच्या ’पारिभाषिक शब्द’ ह्या सुविधेचा खूप उपयोग होतो. त्या सुविधेचा वापर करून एखादा शब्द शोधताना आपण तो एखाद्या विशिष्ट कोशात -जसे न्यायव्यवहार कोश, शिक्षणशास्त्र, बॅंकिंग-  शोधा असेही सांगू शकतो. त्यामुळे आपल्याला त्या त्या संदर्भातील प्रतिशब्द/अर्थ कळतो.

     सुमारे वीस वर्षांपूर्वीची हकीगत आहे. '"मेरी आवाज सुनो"", ""आवाज की दुनिया"" हे कार्यक्रम तेव्हा नवीन  होते. नवीन होते म्हणून लोकांचे आकर्षण होते. लोकांकडून कॅसेट मागवणे, ती तपासून आवाज  योग्य वाटला तर स्पर्धकाला बोलावणे हे प्रकार  अनोखेच होते. त्याच सुमारास विविध  क्लब, सामाजिक संस्था स्वतःच्या गायन स्पर्धा प्रचंड संख्येने आयोजित करू लागल्या होत्या.  परीक्षक , हॉल व  वाद्यवृंद या तीन गोष्टी मिळवल्या की झाली आयोजित स्पर्धा, अशी समजूत  वाऱ्याच्या वेगाने पसरलेली होती. अशातच एका संस्थेने एक स्पर्धा आयोजित केली. मी त्यात भाग घेतला.