मनोगतच्या एका सदस्याचे हे निरीक्षण आहे.

परंतु या site वरील लेख, विचार वाचताना एक गोष्ट मात्र जाणवली, ती म्हणजे काही ठिकाणचं अशुद्ध मराठी. (हे माझं लिखाणही त्याला अपवाद आहे असं मी म्हणत नाही). पण केवळ र्‍हस्व दीर्घाबाबत मी बोलत नाहीये. तर टंकलेखनातील चुकांबद्दलही काही लेखांमध्ये थोडा निष्काळजीपणा दिसत आहे. उदा. n वापरुन 'न' हे अक्षर तयार होत आहे, पण 'ण' लिहिण्यासाठी मात्र N लिहिणे आवश्यक आहे. तेवढी ही काळजी काही लोक घेत नाहीयेत.

प्रस्तावना

'सूर्य उगवलाच नाही तर' ह्या विषयावर आपण एकदा तरी निबंध लिहिला असेल. प्राथमिक शाळेतल्या विद्यार्थ्यांना 'सूर्य उगवला नाही तर दिवस उजाडणार नाही, म्हणजे आई सकाळी लवकर उठवणार नाही, जास्त वेळ झोपता येईल आणि शाळेत जावे लागणार नाही' असा आनंद असतो. माध्यमिक शाळेतल्या विद्यार्थ्यांना शास्त्र विषयांमधून सूर्याच्या अस्तित्वावर पृथ्वीचे अस्तित्व कसे अवलंबून आहे आणि म्हणून असलेले सूर्याचे अनन्यसाधारण महत्व अशी माहिती मिळालेली असते. आजची सजीवांस जगण्यास योग्य असलेली परिस्थिती पृथ्वीवर निर्माण करण्यामधे चंद्राचाही वाटा असला तरी 'चंद्र नसता तर' असा निबंध मात्र कधी लिहायची वेळ शालेय जीवनात येत नाही. चंद्राचे वाङमयातील स्थान बरेचसे 'सुंदर-तरतरीत- गोर्‍या' चेहर्‍याच्या विशेषणापुरतेच मर्यादित राहिले आहे. चन्द्राच्या निर्मितीपासून (ज्या संदर्भात अनेक संकल्पना (thiories) अस्तित्वात आहेत) पृथ्वीच्या हवामानामधील दीर्घकालीन बदलांसाठी (सूर्याएवढा नसला तरी) चंद्रही जबाबदार आहे.