सकाळी उठून, कोरिन्थचा जगप्रसिद्ध कालवा ओलांडून आम्ही तिथल्या अवशेषांपर्यंत पोचेतो दुपार झाली होती, आणि बरेचसे पर्यटक जेवायच्या मागे लागले होते, म्हणून आम्हांला गर्दी भेटली नाही. दिमित्रीने तिथे मीडियाची गोष्ट सांगितली; ती ऐकून मी थक्क होऊन विचारले, "आपल्या भावाला ठार मारून तिने त्याचे तुकडे बापासमोर टाकले! बापरे! " आणि मग हसत म्हटले,"कितीही भाऊ नकोसा झाला तरी असं करतात का!"
मग तोही खूप हसला आणि म्हणाला, "ग्रीक पुराणा-इतिहासावर हा नवाच प्रकाश पाडणारा एक लेख तू का लिहित नाहीस?"
