" चहाच आधण ठेवलंय रे, तेवढं उकळल्यावर दूध ओतशील का? "
"पोळ्या झाल्यात... तू डबे भर ना, मी अंघोळीला पळते.. " प्रत्येक कामात तिला मी हवा असतो. तिला येत नाही ते काम म्हणून नाही, तर मी आजूबाजूला, सतत तिच्या डोळ्यासमोर लागायचो. मी खूपदा चिडायचो, "एकही काम पूर्ण करत नाहीस, एक तू केलं तर दुसरं मी आटपेन ना, तू तुझ्याच कामातली सगळी पडकाम माझ्याकडून करून घेतेस " त्यावर जीवघेणी हास्याची चमचमती मखमल माझ्याभोवती पसरवून... आपल्या कामासाठी पसार व्हायची.
