जून महिन्यात मी अमेरिकेत आलो. मला जूनमध्ये इकडे यायला लागेल हे जेव्हा समजले तेव्हा नवीन देश जवळून पहायला मिळणार या आनंदाबरोबरच अजून एक आकर्षण खुणावत होते ते म्हणजे,' अमेरिकन राष्ट्राध्यक्ष निवडणूक!! ' आणि इथे आल्यापासून मग निवडणूक आणि त्याबद्दल माहिती करून घेणे हा एक छंदच जडला. एक आवड म्हणून. मला जे वाटले, ते मी मनोगतींना सांगायचं ठरवले. म्हणून हा शब्दप्रपंच...

डिसेंबरच्या गुलाबी थंडीमध्ये सकाळचे कोवळे ऊन या जरड शरीराने खाण्यात काही औरच मजा! त्यातही लाडक्या सुनेच्या हातचा कडक, तजेलदार चहा आणि वर्तमानपत्र गॅलरीमध्ये अगदी हातामध्ये आणून मिळावे, म्हणजे माझ्यासारख्या भाद्रपदी विचार करणाऱ्या रिटायर्ड माणसाला स्वर्गसुखच म्हणा. किंबहुना त्याहूनही अधिक! तसा माझ्या सौच्या हातचा चहादेखील अगदी कडक असतो बरका! पण, सुनेच्या हातच्या चहाच्या कडकपणामध्ये "आदरणीयं श्वशुरम ।" ही भावना जाणवते तर आमच्या हिच्या हातच्या चहाच्या कडकपणामध्ये "हाताचा" कडकपणाच अधिक वाटतो.