साहित्य :

अळिव पाव वाटी
दूध एक वाटी
नारळाचा खव ३ वाट्या
गूळ २ वाट्या
साजूक तूप १ चमचा

कृती :

दुधामध्ये अळिव १० ते १२ तास भिजत घालावेत. एका पातेल्यात भिजलेले अळिव, नारळाचा खव व गूळ एकत्र करा. नंतर मधम आचेवर कढई तापत ठेवा व त्यात एक चमचा साजूक तूप घालून वर एकत्र केलेले मिश्रण घाला. कालथ्याने सर्व मिश्रण ढवळत राहा. थोड्यावेळाने गुळ वितळून मिश्रण पातळ होईल. आता आच मंद करा. थोड्यावेळाने मिश्रण कोरडे होईल व त्याचा गोळा बनायला लागेल. हे मिश्रण शिजताना एकीकडे कालथ्याने ढवळत राहा. आता गॅस बंद करा. थोड्यावेळाने लाडू वळा. पाव वाटी अळिवाचे १५ लाडू होतात.

- रोहिणी गोरे